بصرف النظر عن العك اللى بيحصل فى التحريرمن حامى الثورة ...حاسة باحساسين عكس بعض أبسولوتلى....ولازم بقى أشرككوا معايا أهو غتاتة كدة مبسوطة قوى عشان بكرة المخلوع حيتحاكم و مكتئبة قوى على حال البلد ...... صعبانة عليا ..صعبان عليا اللى حصل فيها تلاتين سنة و أكتر صعبانة عليا زى ماتكون واحدة فعلا خطفوها و عذبوها تلاتين سنة و لسة يادوبك بتشم نفسها ...المهم فاكس رغى ...النهاردة ليلة احتفالية فى حب ابو المخاليع زمانه دلوقتى فى الطيارة عشان هو كان حاجز 11 و الظاهر سوزان محصلاه فى السوبر جيت
حهديلكوا أغنيتين من الاخر بقى ...أول واحدة شماتة شماتة يعنى بس معلش اللهم انى حصوم بكرة
حلقاتك برجلاتك ....شرفت يا سيد المساجين .....خش و جرج جمب اخواتك و عيالك جمبك الاتنين
يارب ياربنا انت اللى عارف حقنا ....طول فى عمره و هاتلنا أحكام تفرح قلبنا
التانية بقى من الاخر معلش احنا بنتكلم .....عن رد الجميل للريس السابق مع حصر مبدأى لأفضاله علينا
ودى بقى عليها هدية مجانية الكلمات بتاعتها
و حياة مامة فخامتك طيب و حياة سوزان
تسامحني عشان شتمتك و انا واقف في الميدان
كان المفروض اجيبك علشان و تشوف شعبك حبيبك
علشان تاخد نصيبك من الحب و الحنان
انا اسف و بصراحة اصلي مكنتش اصيل
يا معلمني القباحة نفسي ارد الجميل
يا مظبط اهل بلدك اكتر من اسرائيل
حتقولي ايه اللي فيها هقولك فيها فيل
انا اسف اني سيبتك تخلع من غير حساب
كان المفروض حاسبتك زي ما قال الكتاب
مبننساش الجمايل و الشعب في قلبه شايل
و حنعمل فيك عمايل و البركة في الشباب
فيه اكتر من حريقة و في كل بيت شهيد
فاكر اهل الدويقة فاكر قطر الصعيد
طب سرطان الخضار و العيشة الغالية نار و المعبر و الجدار و لا الفكر الجديد
اسف علشان سكتنا طول الوقت اللي فات و انت مسود حياتنا و بتسرق مليارات
دلوقتي الفرصة جتني و ححاسبك ع اللي فاتني و حرد حقوق بلادي و اخد حق اللي مات
اسف لجمال و عزمي و لصفوت و لسرور كل اللي مصوا دمي و لسه في القصور
اسف علشان سايبكم و حياة بلدي لجبكم و في التحرير بانلكم احلى و اجمل ......تم تم
يلا كل سنة و انتوا طيبين و الى اللقاء فى محاكمات قادمة
وعلى الله بس متطلعش مسلسل من بتوع رمضان
